Conseho y Sosten
Nos obhetivo principal ta stimula y facilita tanto desaroyo como realisacion di servicio di documentacion y informacion. Nos ta haci esfuerso pa crea y mantene un sistema, dinamico y cu ta funciona, destina pa maneha, archiva y facilita acceso na informacion. A traves di experiencia y cooperacion, nos kier yuda e organizacion pa probecha optimalmente di su recursonan di informacion y simplifica e procesonan interno.
E obhetivo principal di nos departamento ta ofrece sosten efectivo na e hefe di e organizacion den coordinacion di preparacion, desaroyo y aplicacion di conseho riba tereno di maneho di documentacion y informacion. Nos ta aspira pa desempeña un papel fundamental pa garantisa un acercamento simplifica y profesional di maneho di informacion den gobierno.
Como Consehero den Documentacion, nos ta tuma e encargo di conseha y sostene tanto gerencia como personal di e departamentonan gubernamental den cuestion relaciona cu archivo, registro y documentacion. Nos obhetivo ta comparti nos expertisio y ofrece guia practico, pa e departamentonan gubernamental por beneficia di fluho di informacion optimal, registro minucioso y maneho eficiente di registro.
Door di ofrece coordinacion, conseho y sosten, nos ta aspira pa contribui na un sistema di informacion organisa y cu vision pa futuro den ful gobierno. Nos esfuerso ta dirigi pa promove calidad, eficiencia y cumplimento di e miho practicanan den maneho di informacion.
Cu coordinacion, expertisio y sosten como balor fundamental, nos ta compromete pa ta un socio valioso den e afan pa un maneho di informacion y documentacion efectivo den gobierno.
