BID ta asisti cu renovacion digital na DTP Aruba
Bureau Interne Diensten (BID) ta orguyoso di anuncia cu nos ta forma parti di un proyecto
interesante pa sostene Departamento Transporte Publico (DTP) di Aruba. DTP, cu ta dedica
na un sistema di transporte publico eficiente y accesibel na Aruba, ta busca pa brinda
servicio di calidad y mobilidad halto, via regulacion relevante y control estricto.
En conexion cu SIM Caribbean, nos ta trahando riba desaroyo di un wesite nobo cu lo sirbi
como fuente central pa informacion publico di DTP.
E proyecto aki ta un ehemplo di con BID por asisti otro departamentonan gubernamental cu
nos experticio den servicio interno. Nos papel den e proyecto aki ta asegura pa un integracion
y implementacion sin problema y duna DTP un plataforma digital moderno y accesibel.
Nos ta premira un impacto positivo cu e cooperacion aki lo tin riba e servicio publico y
accesibilidad digital di informacion pa sector di transporte y
comunidad di Aruba.
