Bishita di Minister sr. Ursell Arends na Bureau Interne Diensten (BID)
Minister di Transporte, Integridad, Naturalesa y Asuntonan di Adulto Mayor, sr. Ursell Arends, a bishita Bureau Interne Diensten riba 11 di september 2023 pa un reunion relaciona cu e avancenan riba digitalisacion y mehoracion di diferente proceso di permiso di Departamento di Transporte Publico
Durante e encuentro e hefe suplente, sra J. Loopstok, a duna un presentacion informativo den cual a splica e desaroyonan reciente y mehoracion den e proceso di permiso di taxi. Tambe Minister Arends a ricibi un rondleiding y a cera conoci cu e empleadonan y Minister a haya un splicacion cortico di nan funcionnan y di e departamentonan di Bureau Interne Diensten.
Minister Arends a mustra su entusiasmo relaciona cu e esfuersonan di BID pa promove digitalisacion y eficiencia den e procesonan aki. Minister a gradici BID pa nan dedicacion na innovacion y mehoracion. E encuentro aki ta marca un paso importante den desaroyo di e procesonan di permiso pa DTP.
